مسرحية مدرسية بعنوان كادر المعلمين

أيها الأصدقاء أقدم لكم مسرحية مدرسية بعنوان كادر المعلمين أرجو أن تنال إعجاب سيادتكم

يدخل المعلم الفصل ويلقى التحية
المعلم :good morning students
التلاميذ : good morning teacher
ويدخل البائع بيده شنطة مملوءة بالعلب
البائع : ( بصوت عال ) عض مورنج يا أستاذ الاساتيذ
المعلم مستهزأ ) صباح الخير يا سيدى بص إحنا فى نص الشهر والجيوب أنضف من الصينى
البائع : ولا يهمك خليها علينا المرادى ... بص عندنا بضاعة رخيصة خالص علب لحمة مستوردة
المعلم : ( متعجبا ) لحمة مرة واحدة ؟!!!!
البائع : دول بيوزعها على الفقراء والمساكين والكيلو منها بخمسة وعشرين وعلى حسب نوع الصنف اللى انت عايزه
المعلم : بس لخص لخص الحصة طارت وعاوزين نقول الملخص
البائع ( بصوت منخفض معترض ) يا عم بلا تعليم بلا هم ....
ويدخل المدير وبيده دفتر المتابعة ويمسك البائع من قميصة
المدير : ( متعصبا ) والله عال دى مدرسة ولا سوق خضار
: البائع : روق ..روق يا مدير وخدلك واحد منديل ...مدرستنا مدرسة نظيفة وجميلة وخضراء وسوبر إستار وفيها من كل لون يا خضار
المدير : ( معترضا ومتعصبا ) لا.. دا انت لسانك طويل وهحطك فى البرميل
البائع : روق دمك وخد دول علشانك ( ويشد على يديه ويغمز له بعنيه )
المدير : ( متعجبا ) أيه ده ؟!!!!!
البائع : لحمة مستوردة .. دى الوجبة الغذائية اللى بتوزعها المديرية ..شوف دى علبة لحم ( فلس تية ) ودى لحمة ( عرق نية ) ودى (عظام إيرانية ) ودى ( عيدان كورية ) وكلها صناعة صينية والحياة حتبقى بحر طحينية
المدير : ( متعصبا ) انت كلامك كتير كدة ليه تعالى معايا ....( ويتجه الى المعلم ) وانت يا بيه محول للتحقيق
البائع : ( أثناء سيرة مع المدير ) وكمان عندنا دقيق مصرى فاخر مية مية هنعمل منه كيكة عربية
المدير : طاب خلاص روح دلوقتى ..خلص فى القضية
البائع : كدة ...طاب سلاموا عليكم
المدير يمر على الفصول ويجد فصل هائج
المدير : بس يا واد انت وهو رايحين فين
تلميذ : رايحين حجرة مناحل المعرفة
المدير : والمعلم فين ؟...هه فى الخلية
تلميذ اخر : لا.... راح يشترى كارتيه ومية معدنية
المدير متعصب ) بتقول ايه ؟....
التلميذ بخوف ) معرفش يا سعت البيه
ويأتى المعلم مسرعا ( أمام الفصل من الخارج )
المدير : كنت فين يا استاذ
المعلم : كنت بحل مشكلة الاستيكة والقلم الرصاص أصلى المستبدة الاستيكة بتمسح حصة وتحط حصة والقلم الرصاص غلبان بيكتب وخلاص
المدير : وايه اللى فى ايدك ده ؟.........
المعلم : ( مرتبك ) دا...دا...
المدير : ده ايه ؟!!! ابقى تعالى المكتب بعد الحصة يا أستاذ
وأثناء مرور المدير يجد أستاذ منير يضرب كف على كف وهو سارح بخياله
المدير : مالك يا أستاذ منير
منير : ( مهموم ) من يوم ما قالوا كادر للمعلمين فرحت وقلت هبقى مليونير و قفلت العيادة الخصوصية وقلت حبقى مية مية لحد ما جه الكادر خمسين فى المية والاسعار بقت مليون المية والفواتير أسلحة نووية .. فقررت أفتح العيادة تانى علشان أقدر أحشى سنانى
المدير : ( يقدم منديل للأستاذ منير ) خليها على الله يا منير

المدير فى مكتبه ومعه ولى أمر وابنه
ولى الامر: السلام عليكم
المدير : وعليكم السلام ورحمة الله وبركاته ....تعرف انى ابنك الفت بيغيب وبيروح النت
ولى الامر : ( متحسرا ) أعمل ايه بس يا ربى ...أنا شغال وبجيب وبودى .....وانت يا واد يا نت يا تليفزيون يا شارع يا سرير وضاع اليوم
المدير : الاولاد مسئولية ..وانت ومراتك خلية .. والاولاد هم الرعية .. وإن صح المنبت صحت التربية ..وإحنا معاك كمؤسسات تربوية
ويتجه المدير الى الجمهور قائلا
شكوت إلى وكيع سوء حفظي **** فأرشدني إلى ترك المعاصي
وقال إن هذا العلم نور *** ونور الله لا يؤتى لعاصي

تمت بحمد الله للأمانة منقول

جميله والهى ياستاذ محمد جمع الطلبا ودخل بيها فى المسرح

شكرا يا استاذ محمد على الاضافه الكبيره والعظيمه والجميله ديه وهذه المسرحيه فعلا شيقه وجميله جداونريد المزيد من العطاء لاجل الكيان العظيم والصرح الكبير هذا .

احلى حاجة عملتها يااستاذ محمد عايزين نخش بيها فى المسرح